Maman Sambo Sidiƙou

Maman Sambo Sidiƙou
Ɗan Adam
Bayanai
Jinsi	namiji
Ƙasar asali	Nijar
Shekarun haihuwa	1949
Mata/miji	Fatima DJibo Sidiƙou
Harsuna	Faransanci
Sana'a	ɗan siyasa da ɗan jarida
Muƙamin da ya riƙe	Minister of Foreign Affairs of Niger (en) da ambassador (en)

Maman Sambo Sidikou in 2018.

Maman Naman Sambo sidikou an haife shi a shekara ta alif ɗari tara da arba'in da tara (1949) jami'in diflomasiyya ne kuma tsohon ɗan siyasar Nijar ne. A halin yanzu shi ne babban wakilin Tarayyar Afirka a Mali da da Sahel. Daga shekarar 2011 zuwa shekara ta 2014, ya kasance jakadan Nijar a Amurka, ya jagoranci ayyukan wanzar da kuma zaman lafiya na MDD a Jamhuriyar Demokraɗiyyar Kongo daga shekarar 2015 zuwa 2018, sannan daga shekarar 2018 zuwa shekarar 2021 ya zama babban sakataren ƙungiyar G5 Sahel.

Sana'a

Maman Sambo Sidiƙou

An fara horar da Sidiƙou a matsayin ɗan jarida, sannan ya shiga aikin gwamnati a shekarar 1976. Da farko dai ya tsunduma cikin harkokin diflomasiyya a Nijar, duk da cewa ya taɓa riƙe muƙaman shugaban ƙasa da na firaminista, da ma'aikatar yaɗa labarai ta ƙasar.

A ƙarƙashin Shugaba Ibrahim Bare Mainassara, an naɗa shi ministan harkokin waje da haɗewar Afirka daga 1997 zuwa 1999. Ya kuma yi aiki a matsayin shugaban ma'aikatan fadar shugaban ƙasa har zuwa zaɓen shugaba Mamadou Tandja. Sa'an nan, a lokacin Tandja yana kan karagar mulki, Sidiƙou ya bar gwamnati kuma ya yi aiki da ƙungiyoyi masu zaman kansu daban-daban da masu zaman kansu, ciki har da Bankin Duniya, UNICEF, da Save the Children.

Daga shekarar 2011 zuwa 2014 ya zama jakadan Nijar a Amurka. Daga baya ya wakilci Tarayyar Afirka a Somaliya tsakanin 2014 zuwa 2015. Sannan, daga shekarar 2015 zuwa 2018, ya kasance wakilin musamman na babban sakataren MDD a Jamhuriyar Demokraɗiyyar Kwango, kuma shugaban tawagar wanzar da zaman lafiya ta MDD a can, MONUSCO.

Shugabannin ƙasashen ƙungiyar sun naɗa Sidiƙou babban sakataren ƙungiyar G5 Sahel a taron da suka yi a birnin Yamai na ƙasar Nijar a ranar 6 ga Fabrairu 2018. A cikin 2021, ya bar wannan muƙamin kuma an naɗa shi babban wakilin Tarayyar Afirka na Mali da Sahel.

Maman Sambo Sidiƙou

Yana da digiri na uku a fannin ilimi a Jami'ar Jihar Florida.

Rayuwa ta sirri

Sidiƙou yana auren 'yar jami'ar diflomasiyya Fatima Djibo Sidikou. Suna da yara biyu.