Boni Haruna

Boni Haruna
gwamnan jihar Adamawa 29 Mayu 1999 - 29 Mayu 2007 ← Ahmadu Hussaini - Murtala Nyako →
Rayuwa
Cikakken suna	Boni Haruna
Haihuwa	12 ga Yuni, 1957 (67 shekaru)
ƙasa	Najeriya
Ƙabila	Hausawa
Harshen uwa	Hausa
Karatu
Harsuna	Turanci Hausa Pidgin na Najeriya
Sana'a
Sana'a	ɗan siyasa
Imani
Jam'iyar siyasa	Peoples Democratic Party

Boni Haruna (an haife shi a ranar 12 ga watan Yuni shekara ta alif ɗari tara da hamsin da bakwai 1957A.c) yayi Ministan Ci gaban Matasa na Najeriya daga alif dubu biya da sha hudu zuwa dubu biyu da sha biyar (2014–2015). Ya yi gwamnan jihar Adamawa a Najeriya daga ranar 29 ga Mayu 1999 zuwa ranar 29 May 2007. Ya kasance dan jam’iyya mai mulki ta PDP.

Bayan Fage

Boni Haruna an haife shi a ranar 12 ga watan Yuni shekarar 1957 Ya karanta ilimin kimiyar Siyasa a jami'ar Ahmadu Bello University, Zaria.

Gwamnan jihar Adamawa

An zabi Boni Haruna a matsayin gwamnan jihar Adamawa a watan Afrilun shekarar 1999, sannan ya sake zaba a watan Afrilun shekarar 2003. Sakamakon na 2003 ya kasance jam’iyyar All Nigeria Peoples Party (ANPP), wacce ta yi ikirarin magudin zabe da yawa. Kotun zaben ta bayyana zaben a matsayin mara inganci. Amma, kotun daukaka kara ta yi fatali da hukuncin Kotun kuma ta mayar da Haruna bakin aiki.

A watan Maris na shekarar 2006, Boni Haruna ya yi magana a kan wa’adi na uku na shugaban kasa Olusegun Obasanjo, yana mai cewa yawancin gwamnonin da ke goyon bayan wa’adi na uku suna goyon bayansa ne saboda suna da abin da za su boye. Ya maimaita adawarsa yayin taron gwamnonin jihohi 20 na Afrilu na 2006.

A watan Satumbar shekarar 2006, Gwamna Ahmed Yerima na Jihar Zamfara, da Boni Haruna na Adamawa, da sauran manyan ‘yan siyasa sun bi sahun Ambasada John Campbell don yanke zaren fara gabatar da cikakkun Sabis a Ofishin Jakadancin Amurka da ke Abuja. A wannan watan ne, Shugaban Hukumar Yaki da Yiwa Tattalin Arzikin Kasa Ta’annati (EFCC), Malam Nuhu Ribadu, ya ce Boni Haruna na cikin gwamnonin jihohi 31 da hukumar ke gudanar da bincike a kansu. A watan Fabrairun 2007, Majalisar Dokokin Jihar Adamawa ta yi wa Boni Haruna takardar tsigewa bisa zargin aikata babban aiki da kuma rashin iya gudanar da ayyukan ofis kamar yadda tsarin mulki na 1999 ya ce.

M aiki

Jim kaɗan kafin zaɓen ƙasa na Afrilu 2007, Haruna ya sauya sheka zuwa sabuwar jam’iyya ta Action Congress (AC). A watan Afrilun shekarar 2009, Boni Haruna ya ce yana barin goyon bayan tsohon Mataimakin Shugaban Kasa, Atiku Abubakar, saboda gazawar Atiku na sauraren shawarwari daga abokan aikinsa. Hakan na iya faruwa ne saboda yanke hukuncin da Haruna ya yi na komawa Peoples Democratic Party, PDP, yayin da Atiku ke ci gaba da kasancewa tare da Action Congress.

A watan Agustan shekarar 2008, Hukumar Yaki da Yiwa Tattalin Arziki Tu'annati da Tattalin Arziki karkashin jagorancin Farida Waziri ta tsare shi bisa zargin cin hanci da rashawa yayin da ya ke gwamnan jihar tsakanin 1999 da 2007. An ki amincewa da bukatarsa ta neman beli. A watan Nuwamba na 2008, wata Babbar Kotun Tarayya da ke Abuja ta ba wa Haruna izinin tafiya zuwa Amurka don neman lafiya, inda ta dage shari’ar har zuwa watan Fabrairun 2009 don wanda ake tuhumar ya sake yin wata sabuwar amsa bayan tuhumar da EFCC ta yi wa kwaskwarima.

A watan Mayun shekarar 2009, Gwamnatin Tarayya ta sake gurfanar da Boni Haruna a kan zargin halatta kudaden haram wanda ya shafi N100 miliyan, bayan gano sabbin shaidu da suka shafi lokacinsa na mulki a matsayin gwamnan jihar Adamawa. A watan Agusta na 2009, Hukumar Yaki da Yiwa Tattalin Arziki Tu'annati (EFCC) ta gabatar da tuhume-tuhume 28 a kan Boni Haruna na jabu da safarar haramtacciyar N150m zuwa wani wuri da ba a sani ba. A watan Oktoba na shekarar 2009, EFCC ta gabatar da tuhume-tuhume 28 da aka yi wa kwaskwarima kan Boni Haruna da wasu mutum uku. A watan Nuwamba na 2009, EFCC ta nuna adawa ga bukatar da Haruna ya nema na sake samun takardun tafiye-tafiye don neman lafiya a Amurka.

Haruna ya fafata a zaben 9 ga watan Afrilu, shekarar 2011 na mazabar sanata ta Arewa ta Arewa a kan dandalin Action Congress of Nigeria (ACN). Bindo Jibrilla (PDP) ya kayar da shi, inda ya samu kuri’u 75,112 sai Haruna mai kuri’u 70,890. Dan takarar jam’iyyar Congress for Progressive Change (CPC), Abba Mohammed, ya samu 22,866.