Atiku Abubakar

Atiku Abubakar
mataimakin shugaban ƙasar Najeriya 29 Mayu 1999 - 29 Mayu 2007 ← Mike Akhigbe - Goodluck Jonathan →
Rayuwa
Haihuwa	Jada (Nijeriya), 25 Nuwamba, 1946 (77 shekaru)
ƙasa	Najeriya
Harshen uwa	Hausa
Ƴan uwa
Abokiyar zama	Amina Titi Atiku Abubakar
Karatu
Makaranta	Jami'ar Ahmadu Bello
Harsuna	Turanci Hausa Larabci Pidgin na Najeriya
Sana'a
Sana'a	customs officer (en) da ɗan siyasa
Employers	Najeriya
Imani
Addini	Musulunci
Jam'iyar siyasa	Peoples Democratic Party All Progressives Congress
atiku.org

hoton dan siyasa atiku abubakar

hoton atiku da muhammad buhari

Atiku Abubakar'Atiku Abubakar  (an haife shi a ranar 25 ga watan Nuwamba shekara ta alif dari tara da arba'in da shida, 1946) Miladiyya. ya kasance dan siyasan Najeriya kuma dan kasuwa ne wanda ya taba rike mukamin mataimakin shugaban kasar Najeriya daga shekara ta alif Dari Tara da cassa,in da tara , 1999 zuwa shekara ta 2007 lokacin shugabancin Olusegun Obasanjo. Atiku ya nemi zama gwamnan Jihar Adamawa a shekara ta alif, 1990 zuwa 1996 daga baya kuma, a shekara ta alif, 1998, aka zaɓe shi kafin nan ya zama mataimakin Olusegun Obasanjo a Zaben shekarar, 1999 na shugaban kasar Najeriya an kuma sake zaben su a zaben shugaban kasar Najeriya ta 2003.

Majar Atiku a jam'iyar APC

Farkon rayuwa

Atiku haifaffen jihar Adamawa ne. An haifeshi a jahar Adamawa acikin garin Jada da daya tilo awajen garba Abubakar da mahaifiyarshi Aisha kande.https://newswirengr.com/2023/02/28/atiku-abubakar-biography-education-career-marriage-net-worth-achievements-and-controversy/

Siyasa

Atiku bayan zabe

Atiku Abubakar yayi rashin nasarar samun zama shugaban kasar Najeriya a matakai har sau shida. Da farko a 1993, 2007, 2011, 2015 da kuma 2019. A shekarar 1993, yayi takara a karkashin Social Democratic Party dan neman zama shugaban kasar amma ya sha kaye a wurin Moshood Abiola da Baba Gana Kingibe. Ya kasance dan takarar shugaban kasa a jam'iyyar Action Congress a Zaɓen Shugaban kasar Najeriya ta 2007 amma yayi rashin nasara da zuwa na uku a wurin Umaru Yar'Adua na jam'iyyar PDP da Muhammadu Buhari na ANPP. Ya nemi zama dan takarar shugabancin kasar a karkashin jam'iyyar People's Democratic Party lokacin Zaɓen Shugaban kasar Najeriya ta 2011 nan ma yayi rashin nasara a hannun shugaba mai ci Goodluck Jonathan. A shekara ta, 2014, Atiku ya koma jam'iyyar APC gabanin Zaɓen Shugaban ƙasar Najeriya ta 2015 kuma ya nemi zama ɗan takarar jam'iyyar amma yayi rashin nasara a hannun Muhammadu Buhari. A shekarar, 2017, ya sake komawa jam'iyyar PDP a inda kuma ya zama dan takarar jam'iyyar a Zaben Shugaban kasar Najeriya ta 2019, sai dai har wayau ya sake rashin nasara a hannun shugaba mai ci Muhammadu Buhari na jam'iyyar APC.. A shekarar, 2022 Atiku Abubakar ya bayyana sha'awarsa ta fitowa takarar shugaban kasa a Jam'iyyar PDP mai adawa inda zai kara da Bola Ahmad Tinubu na APC, da Peter Obi na Jam'iyyar Labour da Rabiu Musa Kwankwaso na Jam'iyyar NNPP da sauran Yan takara na kananan jam'iyyu. Bayan fafatawa mai zafi ta cikin gida da kuma ta sauran abokan karawa, hankula sun kasu gida daban-daban kuma da yawan jama'a sun kyautata zaton Atiku ne zai lashe Zaben. Daga cikin dalilan sa ran nasararsa har da rabuwar kanu a cikin ita jam'iyyar APC. Kari kan wannan, jama'a na cikin tsananin talauci da rashin tsaro a Birane da ƙauyuka. Wani abin damuwa shi ne yanda kwatsam gwamnati ta yi sauyin kudi wanda hakan ya jawo karancinsu a hannun mutane. Hatta da su mukarraban jam'iyyar APC sun zargi cewa an yi haka dan kassara tafiyar Tinubu. Atiku Abubakar ya nuna gamsuwar sa da wannan sauyin kuɗi. Bayan an yi zaɓen shugaban ƙasa ranar Asabar 25 ga watan Fabrairu na shekarar, 2023, an kwashe kwanaki huɗu ana tattara sakamakon zaɓen kuma da asubahin wayuwar garin Laraba, shugaban hukumar zaben INEC ya bayyana Bola Ahmad Tinubu a matsayin wanda ya lashe zaɓen.