Ranar Sojojin Najeriya

Mukala mai kyau

Ranar Sojojin Najeriya

Iri	maimaita aukuwa
Validity (en)	1976 –
Kwanan watan	1976 –

Ranar sojojin Najeriya biki ne da kuma taron shekara-shekara da aka saba gudanarwa a ranar 6 ga watan Yuli don karrama sojojin Najeriya musamman waɗanda suka yi yakin duniya na daya da yakin duniya na biyu gami da waɗanda suka rasa rayukansu a lokacin yakin basasar Najeriya, da kuma jami'an Sojojin Najeriya dake aiki a halin yanzu.

Tarihi

Sojojin Najeriya a Somaliya, 1993

Tarihin ranar sojojin Najeriya ya samo asali ne tun a shekarar 1863 lokacin da marigayi tsohon sojan Birtaniya John Hawley Glover ya kafa kungiyar" Glover Hausas " wanda ya shirya tare da tattaro 'yantattun bayin Hausawa don kare Kamfanin Royal Niger Company daga hare-haren mutanen Ashantis. Tawagar wannan matashin domin daƙile farmakin masu kutse ne ya sanya aka kafa Sojojin Najeriya. Ranar 6 ga watan Yuli ne aka amince da bikin ranar sojojin Najeriya saboda an yi imanin cewa, Glover Hausas, waɗanda suka yi kama da sojojin Najeriya, an kafa su ne a ranar 6 ga watan Yuli. Haka kuma za a iya gano tarihin wannan rana tun ranar 6 ga watan Yulin 1967, wato ranar da aka fara yakin basasar Nijeriya.

Ranar Soja a kowace shekara

2013

A shekarar 2013, yayin bikin a jihar Ogun dake kudu maso yammacin Najeriya, Cif Olusegun Obasanjo, tsohon shugaban kasar Najeriya ya ƙi amincewa da buƙatar gwamnan jihar Ogun, Ibikunle Amosun na ya ajiye fure a cibiyar taron da ke Abeokuta, bisa dalilin cewa ba a sanya shi a matsayin ɗaya daga cikin mutanen da suka yi shimfidar ado ga jaruman da suka mutu ba.

2015

An gudanar da bikin a shekara ta 2015 a Maiduguri, mahaifar Boko Haram domin kara kwarin gwiwar sojojin Najeriya, yaki da ta'addanci, an kuma sako 'yan Boko Haram 128 da ke ɗaure a gidan yari a wani ɓangare na bukukuwan.