Arewa ta Yamma (Najeriya)

Arewa ta Yamma (Najeriya)
geopolitical zone of Nigeria (en)
Bayanai
Ƙasa	Najeriya

Arewa ta yamma (wanda aka fi sani da Arewa-maso-Yamma ) itace ɗaya daga cikin shiyyoyin siyasar Najeriya guda shida dake wakiltar yankunan ƙasar ta fuskar siyasa na arewa maso yammacin ƙasar. Yankin ta ƙunshi jihohi bakwai – Jigawa, Kaduna, Kano, Katsina, Kebbi, Sokoto, da kuma Zamfara.

Ta fuskar yanayin ƙasa, yankin na ƙarƙashin nau'in tsirrai na yankin savanna na yammacin Sudan. A al'adance, yawancin shiyyar ta hada da ƙasashen Hausa - ƙasar asali na Hausawa, ƙungiyar da ke da kaso mafi girma na al'ummar arewa maso yamma; duk da haka, akwai ƴan tsiraru na fulani da sauran ƙungiyoyi, a yankunan yankin.

Ta fuskar tattalin arziki, biranen Arewa maso Yamma – kamar birnin Kano – suna taka rawa sosai wajen bunkasa tattalin arzikin Najeriya yayin da akasarin yankunan karkara suka koma baya saboda rashin tsaro, karancin ilimi, da rashin kulawar gwamnati. Yankin yana da yawan mutane kusan miliyan 49, kusan kashi 23% na yawan al'ummar ƙasar. Kano ita ce birni mafi yawan jama'a a arewa maso yamma sannan kuma birni na biyu mafi yawan jama'a a Najeriya kuma birni na ashirin mafi yawan jama'a a Afirka. Sauran manyan garuruwan arewa maso yamma sun haɗa da ( bisa ga yawan jama'a) Kaduna, Zaria, Sokoto, Katsina, Gusau, Garki, da Funtua .