Mohammed Bawa

Mohammed Bawa
gwamnan jihar Gombe ga Augusta, 1998 - Mayu 1999 ← Joseph Orji - Abubakar Habu Hashidu → gwamnan jihar Ekiti 7 Oktoba 1996 - ga Augusta, 1998 - Atanda Yusuf (en) →
Rayuwa
Haihuwa	Yauri, 6 ga Afirilu, 1954
ƙasa	Najeriya
Ƙabila	Hausawa
Harshen uwa	Hausa
Mutuwa	Jos, 26 Mayu 2017
Karatu
Harsuna	Turanci Hausa Pidgin na Najeriya
Sana'a
Sana'a	ɗan siyasa

Mohammed Inua Bawa (6 Afrilun Shekarar 1954 - 26 May 2017) an nada shi mulki a jihar Ekiti, Najeriya a lokacin mulkin soja na Janar Sani Abacha . Daga nan sai aka nada shi Mai Gudanarwa a Jihar Gombe daga watan Agusta 1998 zuwa Mayu 1999, inda ya mika wa zababben gwamnan farar hula a farkon jamhuriya ta hudu ta Najeriya.

Farkon rayuwa da Karatu

An haifi Bawa a ranar 6 ga Afrilu 1954 a Yauri, Jihar Kebbi.

Karatu

Ya yi karatu a Kwalejin Gwamnati da ke Keffi da Bida, sannan ya halarci Jami’ar Ahmadu Bello da ke Zariya bayan ya yi karatu a Jami’ar Madras ta Indiya . Shiga soja, an ba shi mukamin Laftanar na biyu a 1976, cikakken laftanar a 1980, kyaftin a 1985 da mukamin manjo a shekara ta 1990.

Aiki

An nada Bawa a matsayin Mai Gudanarwa na Jihar Ekiti bayan an kafa ta a watan Oktoba 1996 daga wani yanki na Jihar Ondo . Bayan rasuwar Janar Sani Abacha, magajinsa Janar Abdulsalami Abubakar ya mayar da shi jihar Gombe a lokacin mulkin dimokradiyya da aka kammala a watan Mayun shekarar 1999. A matsayinsa na mai kula da jihar Gombe, ya kaddamar da sintiri na hadin gwiwa

tare da kasashen Chadi da Nijar da ke makwabtaka da Najeriya domin rage yawan barayin da ke kan iyaka.

Yayi takarar Gwamna a Jihar Kebbi a karkashin tutar jam'iyyar Action Congress (AC) a zaben Afrilu Na shekara ta 2007 Amma baiyi Nasara ba.

Mutuwa

Bawa ya rasu ne a asibiti a Jos, Nigeria a ranar 26 ga watan Mayun 2017 sakamakon matsalar da ya samu sakamakon tiyatar da ya yi masa. Ya Mutu yanada shekara 63.