Mesa

Daga Wikipedia, Insakulofidiya ta kyauta.
Jump to navigation Jump to search
Mesa
Python bivittatus тигровый питон.jpg
Scientific classification
KingdomAnimalia
PhylumChordata (en) Chordata
ClassReptilia (en) Reptilia
OrderSquamata (en) Squamata
DangiPythonidae (en) Pythonidae
genus (en) Fassara Python
Daudin, 1803

Mesa tana daga cikin nau'inkan macizai wato macijiya sai dai ita Mesa babbar macijiya ce don kuwa tanada hatsarin gaske, tunda har mutane takan haɗiye ba tareda wani ɓata lokaci ba. Mafi akasari mesa tana rayuwarta ne a daji tana haɗiye namun daji har na ruwa takan haɗiye kada da kifi da sauran halittan ruwa. Ana kuma samunta a yankunan Afirka Asiya da kuma ƙasar Ostireliya (Australia) waɗannan yankunan Mesa tafi yawa, sai kuma irin ƙasashen Indiya Bangladesh, Pakistan, China da dai sauransu. [1][2] Ana samun Nau'ikan mesa har kusan kala arba'in da biyu (42) a faɗin duniya. [3][4]

mesa tana ƙoƙarin haɗiye akuya bayan ta kasheta a ƙasar Zinbabuwe

.

Yadda Mesa take haihuwa[gyara sashe | Gyara masomin]

Mesa tana haihuwa ne ta hanyar yin ƙwai kamar ƙadangare, tsaka maciji da dangin su. Matan mesa sune suke ƙyanƙyashe ƙwansu da kansu. Sai dai duk da haɗarin da ke tattare da mesa mutane suna farautarta sosai saboda wasu suna cin namanta ana kuma amfani da fatarta wajen ɗinka takalma, jaka da maɗaurin wando (belt) dai sauransu.[5]

Mesar kudancin Indiya

Amfani da sassan jikin Mesa[gyara sashe | Gyara masomin]

mesa a cikin daji ta fito da harshen ta

Ana amfani da wasu sassan jikin mesa don yin waɗansu magunguna, wato masu maganin gargajiya suna amfani da fatarta, jininta da kitsenta don yin wasu magunguna a ƙasashen Afirka kenan sune suke da waɗannan sirrinkan game da mesa. Misali masu maganin gargajiya suna amfani da kitsen mesa don maganin sanyi, dafin maciji da kuma maganin mayu da dai sauransu. Har ila yau dai su masu bada maganin gargajiya ko kuma ƴan bori suna amfani da fatar mesa don yin kayan sawa wato (walki) sai kuma idan kaje ƙasar Afirka ta Kudu suna ɗaukar mesa a matsayin wata alamar ƙarfi ce shiyasa suke yawan yin amfani da fatu da sauran sassan jikin ta tunba ƴan ƙabilar zulu ba. Haka ana amfani da kitsen mesa wajen maganin ciyyon gaɓoɓi ko kuma gaɓɓai, haƙora da kuma maganin ciyyon ido wasu suna ganin har maganin ciyyon hauka kitsen mesa yanayi. Haka kuma ana amfani da jinin mesa wajen Mugunguna iri-iri. Yaren Sukuma da yake a ƙasar Tanzaniya suna amfani da wasu sassan jikin mesa don yin maganin ciyyon baya ana sawa ne a jikin mutum abarshi na tsawon kwana biyu ko uku. Idan kuma muka dawo nan gida Najeriya muna amfani da hantar mesa don don maganin sauran macizai. Har ila yau dai a Najeriya ana amfani da kan mesa don maganin mayu. Idan kuma muka koma ƙasar Ghana su kuma suna ganin mesa wata kariyace akan sauran macizai. A takaice dai Mesa macijiya ce mai haɗiye duk abinda yake nama ko mutum ko dabba.

Manazarta[gyara sashe | Gyara masomin]

  1. "Hotunan gumurzu tsakanin Mesa da Kada". bbc hausa. 27 March 2014. Retrieved 11 August 2021.
  2. Ahmad Ilyari, Aliyu (14 August 2021). "Mutanen da suka kashe mesar da ta daɗe tana cinye musu dabbobi". bbc hausa. Retrieved 14 August 2021.
  3. Sulaiman, Abubakar (17 June 2018). "Abin tausayi: Kalli Bidiyon yadda aka zaƙulo matar da Macijiya ta haɗiye". legit hausa. Retrieved 11 August 2021.
  4. Bisset, Victoria (11 September 2020). "Elderly ball python lays eggs 'without male help'". bbc.co.uk news. Retrieved 11 August 2021.
  5. "Female snake living in captivity without a male companion gives birth – again". The Guidian. 17 September 2015. Retrieved 18 September 2021.