Baure (Nijeriya)

Baure
Wuri
12°47′00″N 8°46′00″E
Ƴantacciyar ƙasa	Najeriya
Jihohin Najeriya	Jahar Katsina
Labarin ƙasa
Yawan fili	707 km²
Bayanan Tuntuɓa
Kasancewa a yanki na lokaci	UTC+01:00

Baure Karamar Hukuma ce da ke a Jihar Katsina, Arewa maso yammacin Nijeriya.

Baure Gari ne da ke ƙarƙashim masarautar Daura kuma yana gabashin Daura. ƙaramar hukuma ce a garin katsina mai zaman kanta wacce a ka samar da ita a shekarar ta alif dari tara da casa'in da shida 1996.

Tarihi

Dangane da kafuwar garin Baure masana tarihi sun nuna cewa a zamanin Sarkin Daura Lukudi (1825 – 1855) aka fara kafa ta, dalilin ‘ya’yan sarki da suka yi tawaye suka kafa garuruwa a babban Birnin Daura sannan suka ɗaura kan su matsayin sarakuna. wanda ɗaya daga cikin ƴa’ƴan Sarkin ya sauka a wannan wuri da jama’arsa suka sauka gindin wani ƙaton Ɓaure suka yada zango sukai ta taruwa ta haka ne aka riƙa kiran wajen da suna “Ɓaure”.

Fulani sun ƙwace haɓen Daura, da Baure da kanta a lokacin jihadin Usman Ɗan Fodio, a ƙarƙashin Jagorancin “Malam Musa”. Bayan isowar turawa arewacin Najeriya suka karɓe mulkin daga hannun fulani a shekarar 1903. Daga nan turawa suka kashe wancen ƙananan garuruwan da ƴa’ƴan sarki suka kafa kuma suka kafa garin Daura kaɗai.

A yanzu garin Ɓaure ya samu ci gaba a fanni daban daban, kama daga harkar ilimi, noma, da kiwo, da karkar kula da lafiya. Garin Ɓaure yayi fice a sana’o’in gargajiya.

Shuwagabanni

Wasu daga cikin Hakiman Ɓaure da aka yi sun Haɗa da:

1-   Ƙauran Ɓaure Aasan

2-    Ƙaura Umaru Sanda

3-   Ƙaura Hamis

4-   Ƙaura Muhammadu turno

5-   Ƙaura Hamisu Abubakar.

Biblio

Tarihi, Hukumar Binciken. (1996). Garkuwan Jihar Katsina. Hukumar Binciken Tarihi da Kyautata Al'adu ta Jihar Katsina. Katsina: [Dab'in Lamp?]. ISBN 978-2105-93-7. OCLC 59226530.