Barack Obama
| shugaban Amurika | na 44 |
|---|---|
| Lokacin da yazama shugaba | 20 Jauwari 2009 |
| ya karbi ragamar mulki daga | George W. Bush |
| mataimake | Joe Biden |
| Byrdstede: | Honolulu, Hawaii |
| matarsa | Michelle Obama |
| Þingliċ Ȝefere: | Democratic |
| Underforesittend: | Joe Biden |
An aifi Barack Hussain Obama ranar 4 ga watan Oguster na shekara ta 1961 a birnin Honolulu dake yankin Hawai a ƙasar Amurika. Tun yana ɗan shekaru biyu da aihuwa iyayensa suka rabu, ya cigaba da zama tare da ma´haifiyarsa. Mahaifinsa musulmi ne dan kasar Kenya a nahiyar Afirka, ya bar Amurika bayan ya bar matarsa a Amurka inda ya koma gida Kenya. ya kuma zama minista a cikin gwamnatin shugaban ƙasa na farko, wato Jomo Keniyatta, kamin Allah ya amshi ransa, a shekara ta 1982 a cikin haɗarin mota.
A lokacin da ya samu shekaru shida, har zuwa shekaru 10, Barack Obama ya bi ma´haifiyarsa zuwa ƙasar Indonesia inda suka yi zama na shekaru huɗu. Sai a shekara ta 1971 ya komo Honolulu, inda ya ci gaba da karatu. Yayi karatu a jami´ar Kaliforniya da kuma ta Kolumbiya a birnin New York. Bayan ya kamalla karatu, a jami´a, Obama ya fara aiki a matsayin jami´i, ta fannin lissafin kudi. To saidai bai jima ba yana wannan aiki ya kuma koma ƙarin ilimi, inda a shekara ta 1991 ya fito da digrin digirgir ta fannin sharia´a. Barack ya jima ya na kwaɗayin shiga siyasa, amma sai a shekara ta 1996 haƙƙarsa ta cimma ruwa, inda karon farko a ka zaɓe shi a matsayin dan majalisa a mazaɓarsa ta yankin Ilinois.
A tsawan watani 18 Barack Obama na fafatawa da matar tsofan shugaban ƙasar Amurka, wato Hilary Klinton domin samun tabaraki daga jam´iyar Demokrate don tsaya takara a zaɓen shugaban ƙasar Amurikar.
Kafin zabe[gyarawa | Gyara masomin]
A shekara ta 2004 ya tsaya takara a Majalisar Dokoki A wani matakin da wasu ke dangatawa da "rabbo rabbabe", ba zato ba tsammani, Barack Obama ya kai gaci, ya kayar da abokiyar hamayar tasa. A duk tsawan wannan lokaci Obama ya bayyana kansa a matsayin gwarzo, duk da cewar da dama na masa zargin rashin ƙwarewa cikin harkokin siyasa, idan aka kwatanta shi da Hilary Klinton, ko kuma da ɗan takara jam´iyar Republicain John Makain, mai shekaru 72 a duniya,wanda kuma ya laƙanci ƙabli da ba´adin siyasa, a ciki da wajen Amurika. Ta fannin rubuce rubuce,Barack Obama, ya rubuta littatafai guda biyu, inda a ɗaya daga cikin su, yayi tarihin rayuwar baƙaƙe a Amurika, tare da bayyana yadda a matsayinsa na baƙin ba´amurike ya gudanar da yarintarsa. Barack Obama,na da aure da kuma ´yaya,´yan mata guda biyu.
kafin ya tsaya takara, da shi Sanata ne a Jam'iyar dimukaratic ta Jihara Illinois acikin wannan lokacin a 4 ga 2005 zuwa 16 ga shekara ta 2008 kuma shene dan afirka na farko a majalisar wakilai Amurika kuma shine dan asalin Afirka na farko da yatsaya takarar shugaban Amurika a Jam'iyar dimucraic sannan ya kayar da abokiyar takatarsa Hillary Clinton.
