Ahmed Muhammad Daku

Ahmed Muhammad Daku
gwamnan jihar Sokoto Disamba 1987 - ga Augusta, 1990 ← Garba Mohammed - Bashir Salihi Magashi → gwamnan jihar Kano ga Augusta, 1985 - 1987 ← Hamza Abdullahi - Mohammed Ndatsu Umaru →
Rayuwa
Haihuwa	Katsina, 1944 (79/80 shekaru)
ƙasa	Najeriya
Harshen uwa	Hausa
Karatu
Makaranta	Kwalejin Barewa
Harsuna	Turanci Hausa Pidgin na Najeriya
Sana'a
Sana'a	ɗan siyasa
Digiri	Janar

Ahmed Muhammad Daku (an haife shi a shekara ta 1944) birgediya janar ne na sojan Najeriya mai ritaya wanda ya kasance gwamnan mulkin soja na jihar Kano daga watan Agusta na shekarar 1985 zuwa Disamba na shekarar 1987. Daga baya ya zama Gwamnan Soja na Jihar Sakkwato daga Disamba na shekarar1987 zuwa Agusta na shekarar 1990.

Rayuwar farko

An haifi Ahmed Muhammad Daku kuma ya yi karatu a Jihar Katsina. Ya halarci Kwalejin Barewa daga shekara ta 1958 zuwa 1962, da Sakandare Okene daga shekara ta 1962 zuwa shekarar 1965.

Aikin soja

A shekarar 1967, ya shiga makarantar horas da sojoji ta Najeriya, inda aka ba shi muƙamin Laftanar na biyu bayan shekara guda. Ya ga aiki a yaƙin basasar Najeriya a matsayin shugaban sojoji kuma kwamanda sannan kuma kwamandan baturi daga 1969 zuwa 1972. An horar da shi a matsayin jami'in bindigu, inda ya halarci makarantar Royal School of Artillery a Larkhill sau biyu daga 1970 zuwa 1971 daga baya 1975 zuwa 1978; Ya kuma halarci Vystrel Academy a cikin USSR daga 1974 zuwa 1975. Ya kuma halarci Makarantar Sansanin Sojoji a Indiya daga 1976 zuwa 1977.

Daga shekarar 1972 zuwa 1974 ya kasance malami mai koyar da harbin bindiga kuma jami’in ma’aikata a Makarantar ta Sojojin Najeriya. Ya kasance kwamandan rundunar Sansanin Sojojin Atilare ta Najeriya daga 1974 zuwa 1976, sannan kuma aka tura shi hedikwatar Sojojin Najeriya a matsayin Kanal mai kula da harkokin mulki da ƙwata daga 1976 zuwa 1977. Ya kasance mai riƙon kwamanda na manyan bindigogi daga 1978 1979.

Ya kai matsayi, inda ya zama kwamanda, Sansanin Sojojin Atilare na 42 a Abeokuta a 1980; da Kwamandan Medium Regiment na Najeriya a Jos a 1982. An tura shi Kwalejin Kwamanda da Ma’aikata ta Jaji daga 1982 zuwa 1985, a matsayin shugaban ma’aikata (senior division). Ya samu ƙarin girma zuwa kwamandan birgediya, ta rundunar 31 Field Artillery Brigade, Abeokuta a shekarar 1985 inda ya taka rawar gani a juyin mulkin ranar 27 ga watan Agustan 1985 wanda ya kai Janar Ibrahim Babangida kan karagar mulki.

Gwamnan soja

Bayan juyin mulkin, an naɗa Daku a matsayin gwamnan soja a jihar Kano daga watan Agusta a shekara ta 1985 zuwa Disamban shekarar 1987, lokacin da aka mayar da shi gwamnan soja na jihar Sokoto daga Disamba shekara ta 1987 zuwa 1990.

Aiyuka daga baya

Daga baya ya zama babban kwamandan runduna ta 3, wanda aka maye gurbinsa da shi a watan Satumba na shekarar 1993 a lokacin da aka yi yunƙurin kawo Janar Sani Abacha a kan karagar mulki.

Daga nan ya yi ritaya ya koma garinsu Katsina. Cikakken soja ne, an ce shi mutum ne mai gaskiya kuma tsayayyen mutum.

A shekara ta 2002, ya jagoranci Hukumar Kula da Alhazai. A shekara ta 2003 ya tsaya takarar gwamnan jihar Katsina inda ya sha kaye a hannun mai ci Umaru Ƴar'aduwa. A watan Agusta a shekara ta 2009, Daku ya ce akwai rashin ɗa’a a ƙasar, ya kuma bayyana ilimi a matsayin mafita ɗaya tilo da za ta dawo da martabar Najeriya da ta rasa.