Yobe

Yobe
Suna saboda	Komadugu Yobe
Wuri
12°00′N 11°30′E
Ƴantacciyar ƙasa	Najeriya
Babban birni	Damaturu
Yawan mutane
Faɗi	3,294,137 (2016)
• Yawan mutane	72.4 mazaunan/km²
Harshen gwamnati	Turanci
Labarin ƙasa
Yawan fili	45,502 km²
Wuri a ina ko kusa da wace teku	Komadugu Yobe
Sun raba iyaka da	Jihar Borno Jihar Gombe Jihar Bauchi Jihar Jigawa Yankin Diffa Yankin Zinder
Bayanan tarihi
Mabiyi	Jihar Borno
Ƙirƙira	27 ga Augusta, 1991
Tsarin Siyasa
Majalisar zartarwa	executive council of Yobe State (en)
Gangar majalisa	Majalisar dokokin Jihar Yobe
Bayanan Tuntuɓa
Kasancewa a yanki na lokaci	UTC+01:00
Lamba ta ISO 3166-2	NG-YO
Wasu abun
Yanar gizo	yobestate.gov.ng

Yob Arewacin Najeriya Yobe jiha ce daga cikin jerin jihohin shiyyar Arewa Maso Gabashin Najeriya. Tana da yawan kasa kimanin murabba'in kilomita 45,502 da yawan jama’a miliyan ɗaya da dubu dari hudu da sha- daya da dari hudu da tamanin da ɗaya "1,411,481" (a kidayar yawan jama'a ta shekarar 1991). Babban birnin jihar shi ne Damaturu. Mai Mala Buni shi ne gwamnan jihar tun zaɓen shekara ta dubu biyu da goma sha biyar 2015 zuwa yau. Mataimakin gwamnan shi ne Idi Barde Gubana.Jihar dai tana da bangarori guda uku: bangaren gabas, kudu da kuma arewa.'yan majalisar Dattijan jihar su ne: Ahmed Ibrahim Lawan mai wakiltar shiyyar arewaci, Bukar Abba Ibrahim Ibrahim Gaidam shiyyar gabashi da, Ibrahim Mohammed Bomai shiyyar kudanci.

Jihar Yobe tana da iyaka da jihohi hudu, Kamar haka: Bauchi, Borno, Gombe da kuma Jigawa. Tana kuma da iyaka da jamhuriyar Nijar.

Duwatsu masu ban sha'awa a garin Machina, jihar Yobe

TARIHI

An kirkiri jihar Yobe ne a ranar 27 ga watan Agustan 1991. An ciro ta ne daga jihar Borno a zamanin mulkin Ibrahim Badamasi Babangida kuma an yi hakan ne don a sauƙaƙa sha'anin tafiyar da mulki a yankin. Ranar 14 ga watan Mayun 2013, Shugaban Najeriya Goodluck Jonathan ya rattaba dokar ta baci a jihar Yobe da Borno da kuma Adamawa. Saboda harin ta'addanci na kungiyar Boko Haram . Karkashin Abubakar Shekau, shugaban kungiyar ta Boko Haram, haifaffen kauyen Shekau ne na jihar Yobe.

Kananan Hukumomi

Jahar Yobe tana da kananan hukumomi guda goma sha bakwai (17) wadanda suka hada da:

Bade Bursari Nguru Damaturu Geidam Yunusari Gujba Gulani

Fika Fune Jakusko Karasuwa Machina Nangere

Potiskum Tarmuwa

Harsuna

Al'ummar Karai-Karai daya daga kabilun jihar Yobe a shekarar 1962

Wadannan su ne harsunan mutanen Jihar da kuma kananan hukumomin da ake samun su:

Kananan Hukumomi	Harsuna
Bade	Bade; Duwai
Bursari	Fulbe Bade
Damaturu	Kanuri; Fulani
Fika	Karaikarai; Ngamo; Fulani Bolewa
Fune	Fulani,Abore
Geidam	Kanuri
Gujba	Fulani,Kanuri,
Gulani	Maaka, Fulani
Jakusko	Fulani, Bade,
Nangere	Karai-karai da fulani
Nguru	Kanuri; Hausa; Bade
Potiskum	Karai-karai, Ngizimawa, bolawa
Tarmuwa	Fulani, kanuri
Yunusari	Kanuri, Fulani
Yusufari	Kanuri, Fulani
Machina	Mangawa

Sauran harsunan da ake samu a jihar Yobe sun haɗa da Baburawa, Mangawa da kuma Zarmawa da kuma Fulani da kuma ngizim da kuma Kare-kare.

Jami'o'i na Jihar

• Yobe State University

Hotunan wasu sassa na Yobe

• 
  Yobe state railway
• 
  Yobe state government
• 
  Yobe river
• 
  yobe station
• 
  Yobe river transportation

Fitattun mutane a jihar

• Bulama Bukarti - Lauya mai kare hakkin dan Adam.
• Usman Albishir - (15 Yuni 1945 – 2 Yuli 2012) tsohon Sanata kuma shugaban marassa rinjaye a Majalisar Dattawa.
• Mai Mala Buni - (an haife shi a ranar 11 ga watan Nuwambar 1967) ɗan siyasa, tsohon sakataren jam'iyyar APC na ƙasa kuma Gwamnan jihar Yobe na yanzu.
• Ibrahim Gaidam, Dan Siyasa ne Kuma shine tsohon gwamnan jihar Yobe kuma a yanzu dan majalisar dattawa mai wakiltar shiyyar gabashin jihar a Majalisar Dattawa.
• Buba Galadima - Dan siyasa kuma sakataren kasa na tsohuwar jam'iyyar "Congress for Progressive Change (CPC)" .
• Bukar Ibrahim - (shekarar haihuwa Aktoba 1950) tsohon gwamnan jihar Yobe kuma tsohon dan takarar shugabacin kasa a jam'iyyar NNPP a shekarar 2007.
• Khadija Bukar Abba Ibrahim - (shekarar haihuwa 6 Janairu 1967) matar tsohon gwamnan jihar Yobe Bukar Abba Ibrahim, tsohuwar 'yar majalisar wakilai na tarayya kuma Ministar kasa mai kula da harkokin waje karkashin jagorancin Muhammadu Buhari .
• Ahmed Ibrahim Lawan - Sanata tun daga shekarar 1991 kuma shugaban majalisar dattawan Najeriya a yanzu kuma shi ne mutum na 9 a shugabannin majalisar kasar.
• Ibrahim Talba - Dan siyasa kuma tsohon babban sakataren gwamnati a fadar shugaban kasa lokacin mulkin Olusegun Obasanjo kuma Ciroman masarautar Tikau.
• Adamu Waziri - (shekarar haihuwa 14 Satumba 1952) dan siyasa kuma tsohon dan takarar gwamnan jihar Yobe a karkashin jam'iyyar PDP kana tsohon ministan 'yan sanda na kasa kuma tsohon ministan jami'an kula da lafiyar hanya.
• Jamila Babayo - (shekarar haihuwa 17 Mayu, 1983) marubuciya ce da ta kasance mace ta farko a shiryar Arewa Maso Gabashin Najeriya da ta lashe gasar rubutu ta mata zallah ta BBC Hausa.